СОҔУРУУ КУОРАТТАРГА КӨТҮҮ ХААЧЧАҔА ЭМИЭ УҺААТА

“Росавиация” иһитиннэрбитинэн, Арассыыйа соҕуруу куораттарыгар салгын тырааныспарынан көтүү бэс ыйын 24 күнүгэр диэри уһатылынна.

Санатан эттэххэ, олунньу 24 күнүттэн Арассыыйа 11 куоратыгар салгын тырааныспарынан көтүү быстах кэмҥэ тохтотуллубута. Онон билигин Анапа, Белгород, Брянскай, Воронеж, Геленджик, Краснодар, Курскай, Липецкай, Ростов-на-Дону, Симферополь, Элиста куораттар аэропортарыгар сөмөлүөттэр көппөттөр. Авиахампаанньалар Сочи, Волгоград, Минеральные Воды, Ставрополь, Москва аэропортарынан дьону таһаллар.