Судаарыстыба өйөбүлүнэн 2023 сылга тоҕус киинэ уһуллан тахсыаҕа — НВК Саха

Өрөспүүбүлүкэ судаарыстыбаннай бүддьүөтүттэн субсидия ылбыт тоҕус киинэ бу сылга тахсыахтара.

«Бүтэһик сылларга регион киинэ эйгэтигэр улахан хардыылары оҥордо. Биһиги киинэ оҥорон таһаарыынан дойдуга инник күөҥҥэ сылдьабыт. Классическай айымньыларынан уһуллубут лиэнтэлэри өйөөһүн — өрөспүүбүлүкэ култуурунай бэлиитикэтигэр наадалаах. Ил Дархан Айсен Николаев быһаарыытынан, сыллата киинэ устуутугар субсидия көрүллэр», — диэн СӨ култуураҕа уонна духуобунай сайдыыга миниистирэ Юрий Куприянов эттэ.

Субсидиялары ааптарыскай, анимационнай, дебютнай, оҕолорго аналлаах уонна документальнай, ону тэҥэ саха литературатын айымньыларыгар олоҕурар киинэлэри устууга уонна киинэ ырыынагар, бэстибээллэргэ таһаарыыга анаан туттараллар.

Бу сылга өйөбүлү сэттэ киинэ бырайыага ылбыт, уопсай сууманан 20 мөл.солк. көрүллүбүт. Түөрт сыл устата уопсай сууманан 95 мөл.солк. 29 бырайыак ылбыт.