«Түмүү – төрүт үгэс мин үүнэр үктэлим» (30.03.23) — НВК Саха

Ил Дархан Айсен Николаев Саха Өрөспүүбүлүкэтигэр Олоҥхо дьиэлэрин биир кэлим тиһигин туһунан 2022 сыл бэс ыйын 20-с күнүнээҕи ыйааҕар олоҕуран, бу дьыл ааспыт ый саҥатыгар экспедиция Бүлүү улуустарынан үлэлээтэ. Олоҥхо дьиэлэрин тиһигин оҥоруу сүрүн тиэмэлээх экспедицияҕа Култуурунай сайдыы института, Олоҥхо тыйаатыра, Норуот айымньытын дьиэтэ, Аан дойду норуоттарын хомуһун түмэлэ уонна киинэ кыттыбыттара.

Бу күннэргэ Дьокуускай куоракка үгэс буолбут духуобунас, сиэр-майгы сыаннастарын бөҕөргөтүүгэ аналлаах «Түмүү» диэн ааттаах бэрт киэҥ ыҥырыылаах, түмсүүлээх мунньах буолла. Ол туһунан биһиги «Олох үөһүгэр» кэпсэттибит.