От ыйын 15 күнүгэр Платон Ойуунускай 1907-1911 сылларга үөрэммит балаҕанын сөргүтэн оҥоруу саҕаланна. Бу туһунан өрөспүүбүлүкэтээҕи култуурнай нэһилиэстибэ эбийиэктэрин харыстааһын департаменын пресс-сулууспата иһитиннэрэр.
Эбийиэк Чөркөөх сэлиэнньэтиттэн чугас Муҥха Дэлбэрийбит диэн сиргэ баар.
Сөргүтүүгэ үлэлиир тутуу биригээдэтэ эрдэ Э. Пекарскай олорбут ураһатыгар, В. Трощанскай балаҕаныгар уонна 1867 сыллаахха тутуллубут мас ураһатыгар үлэлээбитэ.
Таатта улууһугар архитектура пааматынньыктарын сөргүтүү дьаһалта, туһааннаах түмсүүлэр уонна меценаттар көмөлөрүнэн 2019 сыллаахтан актыыбынайдык ыытыллара бэлиэтэнэр.