Туймаада ыһыаҕа дистанционно ыытылларынан тэриллэр онлайн-куонкурустар саҕаланнылар. Бу туһунан куорат дьаһалтатын пресс-сулууспата иһитиннэрэр.
СӨ култуура уонна духуобунай сайдыы министиэристибэтэ саха төрүт бырааһынньыгын култуурунай бырагырааматын билиһиннэрдэ.
«Ыһыах — үйэлэри уҥуордаан, тыйыс сиргэ олорон кэлбит норуоттар туруулаһыыларын, ыарахаттары туораан күөххэ үктэммиттэрин бэлиэтэ. Кутталлаах ыарыы дьон доруобуйатын бастакы миэстэҕэ туруоран, олоххо үөрүйэҕи уларытта. Онон өрөспүүбүлүкэтээҕи Туймаада ыһыаҕа дистанционно ыытыллыаҕа», — диэн иһитиннэриигэ этиллэр.
Бэс ыйын 15-27 күннэригэр тэрээһиннэр ыытыллар былаһааккаларынан култуура управлениетын социальнай ситимнэрэ, СӨ култуура уонна духуобунай сайдыы министиэристибэтин сайта www.cultura14.ru уонна «Саха» НКИХ ханаала буолуоҕа.