Ыам ыйын 15 күнүттэн түмэл нэдиэлэтэ саҕаланна — НВК Саха

Саха сиригэр ыам ыйын 15-21 күннэригэр аан дойдуга түмэл күнүгэр бастакытын түмэл нэдиэлэтэ буолар.

Тэрээһин сыала — ресурсалары, өрөспүүбүлүкэ судаарыстыбаннай түмэллэрин кыаҕын көрдөрүү, оҕо уонна эдэр ыччат интэриэһин түмэлгэ тардыы.

Түмэл нэдиэлэтэ буолар сирдэрэ:

— «Искусство» хайысхатынан — СӨ национальнай уус-уран түмэлэ;

— «Кыраайы үөрэтии» хайысхатынан — Емельян Ярославскай аатынан Дьокусукайдааҕы судаарыстыбаннай хотугу норуоттар култуураларын уонна историятын түмэлэ. Ленскэйдээҕи судаарыстыбаннай «Доҕордоһуу» история-архитектура түмэлэ. Өлөөннөөҕү хотугу норуоттар историяларын этнографическай түмэлэ;

— «История» хайысханан — «Мин историям» түмэл комплекса;

— «Литература» хайысханан — П.А. Ойуунускай аатынан Дьокуускайдааҕы судаарыстыбаннай литературнай түмэлэ;

— «Музыка» хайысханан — СӨ норуоттарын музыкатын уонна фольклорун түмэлэ уонна Аан дойду норуотун хомуһун киинэ, түмэлэ;

Хас биирдии түмэл бэйэтин хайысхатынан быыстапка, экскурсия, лекция, маастар-кылаас, квест уо.д.а. тэрээһиннэри тэрийиэҕэ.

Ыам ыйын 18 күнүгэр ьүмэл бастыҥ үлэһиттэригэр уонна бастыҥ түмэллэргэ Ил Дархан сертификат туттарыаҕа.

Ыам ыйын 20 күнүгэр Педагог уонна Настаабынньык сылыгар аналлаах «Түмэл түүнэ» бүтүн дойдутааҕы аахсыйа буолуоҕа. Онно дьоруойдары, настаабынньыктары, айар үлэһиттэри уонна коллекционердары, ону тэҥэ уус-уран айымньылары, бэлиэ күннэри уонна чинчийии үлэтин кэпсиэхтэрэ.