Саха сиринээҕи ГМС дааннайдарынан, бүгүн, ыам ыйын 25 күнүгэр, өрөспүүбүлүкэ арҕаа улуустарыгар күнүс 29 кыраадыска диэри сылыйара күүтүллэр. Кэккэ улуустарга кыралаан ардыаҕа, киин куоракка күнүс 23 кыраадыс сылаас буолуоҕа.
Бүгүн Өлөөҥҥө, Мииринэйгэ кыралаан ардыаҕа, сорох сиринэн этиҥнээх ардах түһүөҕэ. Анаабыр улууһугар инчэҕэй хаар түһэрэ сабаҕаланар. Соҕуруу уонна соҕуруулуу-илин улуустарга кыралаан ардыаҕа.
Өрөспүүбүлүкэ арҕаа улуустарыгар +24…+29°С, хотугулуу-арҕаа уонна соҕуруу +17…+22°С, хотугулуу-илин +10…+15°С, Арктика кытылыгар +5…+10°С буолуоҕа.
Дьокуускайга күнүс сөкүүндэҕэ 4-9 миэтэрэ тыаллаах, салгын температурата +21…+23°С.