Ыам ыйын 9 күнүгэр СТС ханаалга «Рядовой Чээрин» киинэни көрдөрүөхтэрэ — НВК Саха

Кыайыы күнүгэр СТС ханаалга «Рядовой Чээрин» киинэ сүрэхтэниэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Ыам ыйын 9 күнүгэр СТС ханаалга буойун-суруйааччы Тимофей Сметанин «Егор Чээрин» сэһэнигэр олоҕуран уһуллубут киинэ көстүө. Киинэҕэ булчут киһи фашистары утары киирсиитэ көстөр», — диэн иһитиннэриигэ этиллэр.

Олохтоох бириэмэнэн 18:20 чааска саҕаланыа.

Ыам ыйын 5 күнүттэн «Лена» уонна «Синема» киинэ-тыйаатырдарыгар күнэ-дьыла чопчуламмыт уонна Аҕа дойду Улуу сэриитигэр кыттыбыт дьоруой-сахалар, 284-с минометнай полк саллааттарын тустарынан кэпсиир киинэ анал көрүҥүн көрдөрүөхтэрэ. Кинилэр уобарастара айымньыга кэпсэнэр.

Сэрии туһунан киинэ «Watch — Русское кино» ютуб-ханаалга тахсыаҕыттан бастакы түөрт күн иһигэр 1,7 мөлүйүөнтэн тахсата көрбүттэр. Оттон бу күҥҥэ диэри уопсайа 12 мөллүйүөнтэн тахсата көрбүттэрэ бэлиэтэнэр.

Буойун суруйааччы сэһэнин 1947 сыллаахха суруйбута. Манна саллаат Егор Чээрин фроҥҥа олоҕун туһунан кэпсэнэр. Айымньынан киинэни 2021 сыллаахха режиссер Дмитрий Кольцов уһулбута.

ТАР5АТ: