“Яндекс” сиэрбис “Поиск по архивам” диэн салаатыгар 550 тыһыынча СӨ Национальнай архыыбын докумуонун уктулар. Ол туһунан Ил Дархан Айсен Николаев телеграм-каналыгар суруйар.
Ил Дархан суруйбутунан, “Поиск по архивам” салааҕа таҥара дьиэтин метрическэй суруктара, ким хаһан, ханна сүрэхтэммитин, бэргэһэлэммитин, о.д.а. туһунан чахчылар киирбиттэр. Онон, төрүттэрин көрдүүр дьон “Яндекс” салаатыгар киирэн, анал көрдүр строкаҕа өбүгэлэрин, төрүттэрин эбэтэр төрүт нэһилиэктэрин аатын суруйан, аймахтарын тааҕы-таах булуохтарын сөп.
“Барыта 3000 кэриҥэ дьыала киирдэ. Хас биирдии дьыалаҕа биир эбэтэр хас даҕаны таҥара дьиэтин метрическэй кинигэлэрэ бааллар. Бу сиэрбис көмөтүнэн дьон төрүттэрин туһунэн элбэҕи билиэ, төрүччүлэрин саҥа түһүмэҕин саҕалыа диэн эрэнэбин!” – диэн Айсен Николаев суруйбут.
Эбэн эттэххэ, эрэдээксийэ үлэһиттэрэ киирэн тургутан көрдүбүт. Сиэрбис, чахчы, бэрт өйдөнүмтүө, судургу уонна туһалаах эбит.