Бассаап* илэ-чахчы сабыллыан сөбүн туһунан Госдуума дьокутааттара этэллэр. Ол барыта Арассыыйа сокуонун кытта ыкса ситимнээх – хампаанньа сокуону тутуһар санаата суох.
Дьокутааттар этэллэринэн, ити барыта дьону-сэргэни уонна судаарыстыбаны харыстыыр туһуттан оҥоһуллар миэрэ. Бассаабы экстремистии дьайыҥнаах тэрилтэл туһаналлар, оттон сиэрбис үлэһиттэрэ да, салалтата да, Арассыыйа быраабы араҥаччылыыр уорганнарын кытта үлэлэһиэхтэрин баҕарбаттар.
Санатар эбит буоллахха, бэҕэһээ, ахсынньы 23 күнүгэр, “Ютюб” биидьийэни көрдөрөр кыамтата 20%-ҥа тиийэ түспүтэ. Дьон-сэргэ ВПН-наах даҕаны кыайан киирбэт, биидьийэни укпат-хачайдаабат буолбута.
“Telegram” аатыра-сураҕыра олорор кэмигэр “WhatsApp” уонна “Viber” диэн былыргы олох көстүүтэ”, – диэн норуот дьокутаата Свинцов бар дьон санаатын көтөҕөр.
*Арассыыйа бобуулаах экстремистии тэрилтэ быһыытынан билиниллибит “Meta” хампаанньа тэрилтэтэ.