Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар «хивустар» сырыылара сөргүтүллүбүтүн туһунан СӨ Тырааныспарга министиэристибэтэ иһитиннэрэр. Суудуналар Дьокуускайтан 204-с микро-оройуоҥҥа баар «Намыв» ыстаансыйаттан айанныыллар.
Оттон Аллараа Бэстээххэ суудуналарга олорсор пуун «Саха сирин тимир суолларын» күүтэр саалатыгар баар.
Тарыып — 3000 солкуобай.
Санатан суруйдахха, ыам ыйын 16 күнүгэр, салгын сыттыктаах суудуналар сырыылара өрүскэ муус хойуутук устарынан сибээстээн тохтуу сылдьыбыта.