Нам улууһугар нэһилиэнньэлээх пууннар халаан уутуттан эмсэҕэлээтилэр, билигин даҕаны үгүс дьиэни уу ылан турар. Кэбээйи улууһун түөрт бөһүөлэгэ ууга барар кутталлаах. Онон ыам ыйын 22 күнүгэр уопсай балаһыанньаны көрө уонна өрөспүүбүлүкэҕэ наадалаах көмөнү оҥоро РФ гражданскай оборуона дьыалаларыгар, ыксаллаах быһыыга-майгыга миниистирэ Александр Куренков Саха сиригэр кэлиэҕэ диэн Ил Дархан Айсен Николаев «Россия 24» ханаалга интервьютун кэмигэр иһитиннэрдэ.
«Биһиги Арассыыйа ЫБММ салалтатын кытта куруук сибээстэһэбит. Ыам ыйын 22 күнүгэр миниистир Александр Куренков кэлиэҕэ. Биһиги кинилиин балаһыаньаны сыаналыахпыт, тустаах көмө оҥоһуллуоҕар эрэнэбин», — диэн СӨ Баһылыга этэр.