Бырамысыланнас, геология министиэристибэтин уонна «Сахатранснефтегаз» үлэһиттэрэ Нам улууһугар халаантан эмсэҕэлээбит сэлиэнньэлэргэ гааһы холбуурга үлэлии сылдьаллар. Ол түмүгэр, 588 дьиэни гааска холбоотулар.
Ил Дархан, бырабыыталыстыба пресс-сулууспата.
Миниистири солбуйааччы Антон Андросов иһитиннэрбитинэн, билиҥҥитэ улуус дьиэлэрин барыларын кэриэтэ гааска холбоннулар.
— Онно гаас сулууспатын үлэһиттэрэ уонна 16 тиэхиньикэ үлэлээтилэр. Ыаллыы улуустартан уонна Дьокуускайтан кэллиэгэлэрбит кэлэн көмөлөстүлэр. Хаһаайыттара суох буолан, холбоммокко турар аҕыйах дьиэ хаалла, үлэ салҕанар, — диэн кини эттэ.
«Сахатранснефтегаз» хампаанньаҕа иһитиннэрбиттэринэн, Нам улууһугар Дьокуускайтан, Жатайтан, Хатастан, Горнайтан, Хаҥаластан, Кэбээйиттэн, Чурапчыттан, Мэҥэ Хаҥаластан гаас сулууспатын 84 үлэһитэ бары саба түһэн, үлэлээтилэр.
Ил Дархан, бырабыыталыстыба пресс-сулууспата.