НВК Саха

«Эйгэ» биэрии кэрэ аҥар кэрэ эйгэтэ таһаарыытыгар СММ идэлээх кэрэ аҥар Намыына Гоголева уонна сахалыы контеннаах асчыт блогер Евдокия Попова ыалдьыттаатылар.

«Бу Дьокуускай» биэрии саҥа таһаарыытыгар тыыл үлэһиттэрин скверигэр сырыттыбат. Бу сквер историятын, хайдах көрүллэрин харайылларын туһунан билистибит.

«Саха сатаабата суох» биэриигэ Нам улууһун I-кы Хомустаах нэһилиэгэр олорор Марковтар дьиэ кэргэттэригэр сырыттыбыт. Антонина Маркова фанеранан араас дьэрэкээн оһуору кыһан дьиэни, тиэргэни киэргэтии туһунан кэпсээтэ.

Кырдьыбыт төрөппүтү кытта алтыһыы, сааһыран баран саҥа олох суолтатын булуу, улааппыт оҕону кытта тэҥнээх курдук алтыһыы, тапталы сүтэрии түгэнигэр санааны сааһылааныы, оскуола оҕото хат буолуутун, киһи аатын уларытыытын чугас дьоно ылыныыларын туһунан психолог, гипнолог Светлана Федорова сүбэлэрин «Соргу туһугар» биэриигэ көрүҥ.

Тыа сирэ омук биһигэ диибит. Үйэлээх үгэстэрбит, тылбыт, төрүт өйбүт-санаабыт барыта тыа сиригэр иҥэ сылдьар. Ол аата тыа сирин туруга биһиги олохпут дьиҥ сайдыытын туоһата диэн этиэххэ сөп. Сайдыы онно барбат буоллаҕына биһиги кэхтэбит. Итини кытта эһиги төһө сөбүлэһэҕит? Тыа сирин билиҥҥи сайдыыта хайдах таһымҥа турарый? «Талбан» биэриигэ СӨ бырабыыталыстыбатын бэрэссэдээтэлин солбуйааччы Михаил Никифоров ыалдьыттаата.