Бу күннэргэ Забайкальскай кыраай Каларскай оройуонун Чара сэлиэнньэтигэр регионнар икки ардыларынааҕы табаһыттар күннэрэ ыытылынна. Тэрээһин эбэҥки норуотун улуу уолун Арсентий Николаев 65 сааһыгар, кини аатын үйэтитиигэ ананна.
«Эбэҥки тылын сайыннарыы», «Тайҕаҕа табаны иитии ыарахаттара» диэн тиэмэлээх төгүрүк остуол тула кэпсэтиилэр тэрилиннилэр. Чара култуура дьиэтигэр норуот оҥоһуктарын быыстапката, эбэҥкилии ырыалаах-тойуктаах кэнсиэр буолла.
Табаны сүүрдүүгэ, бастыҥ таба көлөтүгэр, көс норуот тохтоон ааһар сирин тэрийиигэ уо д.а. хотугу норуоттар оонньууларыгар көрдөөх, тыҥааһыннаах күрэхтэр ыытылыннылар.
Саха сириттэн Өлүөхүмэ оройуонуттан делегация баран ситиһиилээхтик кыттыыны ыллылар.
«Саха» НКИХ Үөһээ Бүлүүтээҕи филиалын оператора Александр Адамов түһэриилэрэ.