Билигин Саха сиригэр IT эйгэтигэр 1,5 тыһыынча киһи үлэлиир. Аны 4 сылынан 10 тыһыынча исписэлиис бу эйгэҕэ үлэлиэхтээх. Маннык соругу Ил Дархан Айсен Николаев туруорда. IT салаатыгар 7 төгүл элбэх үлэһити хайдах бэлэмниибит. Бу туһунан бүгүн сиһилии кэпсэтиэхпит. Ыччаппытын IT салаатыгар ыытарга бэлэммит дуо?
Бу туһунан «Талбан» биэриигэ кэпсэттилэр. Экспертэр үөрэх министиэристибэтин наукаҕа уонна үрдүк үөрэх салаатын сүрүн исписэлииһэ Туйаара Петрова, сибээс министиэристибэтин инновационнай сайдыы салаатын сүрүн исписэлииһэ Мичил Егасов, П.И. Дудкин аатынан Дьокуускайдааҕы сибээс уонна энергетика колледжын дириэктэрэ Гаврил Семенов, Покровскайдаары колледж дириэктэрэ Владислав Хабаров, Айти-оскуола салайааччыта Дьулустаан Осипов, ХИФУ сыыппараҕа сайдыытын проректора Петр Иванов ыалдьыттаатылар.