Бу сыл түмүгүнэн Россияҕа инфляция 12-13% буолуоҕа. Бу туһунан Илиҥҥи экономическэй форумҥа дойду бэрэсидьиэнэ Владимир Путин иһитиннэрдэ.
«Арҕаа дойдулар былаастара инникилэрин көрбөккө, сыыһа үлэлэриттэн дойдуларыгар инфляция саҕаланна, сайдыылаах экономика хас да сыллааҕы рекордун саҥардан биэрдэ. От ыйын түмүгүнэн АХШ-ҕа инфляция 8,5% буолла. Россияҕа билиҥҥи туругунан 14%-ҥа тиийбэт. Бу сыл бүтүүтэ Россияҕа инфляция 12% буолуоҕа», — диэтэ кини.
Кэлэр сылга бастакы-иккис кварталларга бэрэсидьиэн сылыктаан этэринэн, инфляция 5-6% буолара күүтүллэр.