Өрөспүүбүлүкэҕэ тыа сирин кулууптарын дьиэлэрин хааччыйыыга уопсайа 22,7 мөлүйүөн солкуобай көрүллүөҕэ. Бу туһунан СӨ култууратын министиэристибэтэ иһитиннэрэр.
Ол иһигэр федеральнай бүддьүөттэн 20,8 мөлүйүөн солкуобай тыырыахтара. Куонкурустаан талыы түмүгүнэн 20 култуура тэрилтэтэ талылынна.
«Бастатан туран култуурнай-сынньалаҥ тэриллиилэр кыттыылаахтара эбиллибит, төлөбүрдээх сылдьыы тэриллибит, штатыгар толору үлэһиттээх муниципальнай тэриллиилэр сайаапкалара өйөнөр», — диэтэ СӨ култууратын уонна духуобунай сайдыытын миниистирн солбуйааччы Владислав Левочкин.
Кини бэлиэтииринэн, өрөмүөннэммит уонна саҥа тутуллубут култуура эбийиэгэ баара ирдэнэр. 2017-тэн 2020 сылга диэри «Олохтоох култуура дьиэтэ» ФПП «Төрөөбүт дойду култуурата» ВПП «Биир ньыгыл Россия» хайысха олоххо киириитин чэрчитинэн 126 култуура дьиэтэ хааччылынна. Бу сыалга федеральнай бүддьүөттэн 105,569 мөлүйүөн солкуобай көрүлүннэ.