Кулун тутар 27 күнүгэр MuusuSTAR бастакы ыччат бэстибээлэ «Якутия 24», «Саха » НКИХ уонна «Мамонт» ханаалларга быһа эпииргэ көстүөҕэ.
Ол курдук, «Якутия 24» уонна «Саха» НКИХ ханаалларга олохтоох бириэмэнэн 19:15-тэн 22:15 чааска диэри буолуоҕа.
«Мамонт» ханаалга быһа эпиир олохтоох бириэмэнэн 11:50-тэн 22:15 чааска диэри көстүөҕэ.
Быһа эпииргэ көрөөччүлэр олимпийскай чемпионка Алина Загитова хаҥкылыырын, Леван Горозия кэнсиэрин уонна дроннар уоттаах шоуларын көрүөхтэрэ.
«Мамонт» ханаалга хаартыска куонкуруһун, кросс-биатлон күрэхтэһиитин түмүктэрин көрдөрүөхтэрэ, ыччат куонкуруһун кыайыылаахтарыгар граннары туттарыахтара.
Маны таһынан, бэстибээл чэрчитинэн, Саха сирин куораттарын, ону тэҥэ Москва уонна Санкт- Петербург куораттары кытта телемост тэриллиэҕэ.