Саха режиссера Дмитрий Давыдов «Пугало» киинэтэ «Tromsø Internasjonale Filmfestival» ноуроттар икки ардыларынааҕы киинэ бэстибээлин «Киинэҕэ итэҕэл» бириэмийэтин ылбыт.
Бэстибээл сайтыгар этиллэринэн «ырытыыга күһэйэр, уопсастыбаҕа итэҕэл миэстэтин туһунан толкуйдатар, философскай кыһалҕалар эбэтэр духуобунас туһунан өйдөбүллэри тириэрдэр үрдүк хаачыстыбалаах киинэ» бу бириэмийэҕэ тиксиэн сөп.
Австрия киинэ режиссера уонна сценарист, «Золотая пальмовая ветвь» Канныга ыытыллар киинэ бэстибээлин икки төгүллээх кыайыылааҕа, Европатааҕы киинэ академиятын бириэмийэтин алта төгүллээх кыайыылааҕа — Михаэль Ханеке бу бириэмийэ дьүүллүүр сүбэтин састаабыгар баара бэлиэтэнэр.
TIFF норуоттар икки ардыларынааҕы киинэ бэстибээлэ Норвегия Тромск куоратыгар ааспыт. Саха режиссер Дмитрий Давыдов «Пугало» уонна «Ийэкээм» («Нет Бога кроме меня») киинэлэрин TIFF Digital бырагыраамаҕа тохсунньу 20 уонна 24 күннэригэр көрдөрбүттэр.