Василий Назарович Егоров-Тумарча ааспыт сылга 85 сааһын туолар үбүлүөйдээх сылыгар Саха норуодунай суруйааччытын үрдүк аатын иҥэрбиттэрэ. Быйыл кини биир дойдулаахтара суруйааччы айымньытынан аудио кинигэ оҥорон таһаардылар.
Чурапчы улууһун Одьулуун нэһилиэгин библиотекатын эдэр үлэһитэ Таисия Григорьева биир дойдулааҕын Саха норуодунай суруйааччытыта Василий Егоров-Тумарча «Өбүгэ тыына» диэн икки чаастаах кинигэтин бастакы чааһа «Одьулууннар» диэн кинигэтин аудио кинигэ оҥорон таҥан таһаарда.
Бу библиотекаҕа өр сылларга үлэлээбит СӨ култууратын туйгуна Анна Аржакова сүбэтинэн-аматынан, ону тэҥэ истээччигэ тиийимтиэ гына уус-ураннык ааҕан аудио кинигэ тахсыытыгар улаханнык көмөлөспүт.
Библиотека эдэр айымньылаах үлэһитэ бу курдук саҥа сүүрээни киллэрэн, өссө да араас бырайыактарга кыттар санаата үгүс. Маны тэҥэ нэһилиэнньэни кытта үлэни эмиэ көдьүүстээхтик ыытан, дьон-сэргэ тымныы түүннэргэ сылаас дьиэҕэ уус-уран айымньылары ааҕар, истэр кыахтарын тэрийэр.