Никита Аржаков режиссердаах Василий Яковлев-Далан арамааныгар олоҕурбут «Тыгын Дархан» киинэ Новгород куоракка ыытыллыбыт «Вече» ХIV-с бүтүн Россиятааҕы историческай киинэлэр бэстибээллэригэр үс анал ааты ылла. Бу туһунан бэстибээл пресс-сулууспата иһитиннэрэр.
Киинэ бэстибээл бэрэсидьиэнэ, Россия норуодунай артыыһа Светлана Дружинина бирииһин ылла.
Сүрүн оруолу толорооччу Ньургун Бэчигэн бэстибээл бастыҥ артыыһынан буолла.
Юрий Брежнев бастыҥ оператор үлэтин иһин наҕараадаланна.
Инники этиллибитинэн, «Тыгын Дархан» киинэ Ногородка ыытыллар бүтүн Россиятааҕы киинэ бэстибээлин арыйбыта.