«Саха сирэ, иннин диэки!» биэрии кэмигэр Ил Дархан Айсен Николаев, Никита Аржаков «Тыгын Дархан» киинэтэ төрөөбүт дойду уонна норуот историятыгар ыччаты интэриэһиргэтэр киинэ буоларын туһунан эттэ.
«Мин санаабар, киинэ олус бэрт, устуута киһини сөхтөрөр, артыыстар олус табыллыбыттар, кыраһыабайдар. Киинэ устуутугар уон тыһыынча киһи кытынна, маннык киинэ Россияҕа сыл аайы уһуллубат. Киинэ төрөөбүт дойду уонна норуот историятыгар ыччат интэриэһин уһугуннарарга туһуланар», — диэтэ кини.
«Тыгын Дархан» киинэни сорох дьон документальнай курдук ылынар.
«Художественнай киинэ — ааптар иитиэхтээн таһаарбыт санаата, толкуйа. Онон Аржаков бэйэтин көрүүтүн көрөөччүгэ тиэрдэр бырааптаах. Кини киинэни бэйэтин көрүүтүнэн уһулла. 400 сыл анараа өттүгэр туох буолбутун ким да чопчу этэр кыаҕа суох», — диэн кини бэлиэтээтэ.
Айсен Николаев этэринэн, киинэ норуот бэйэтин билиниитин, таптал, олох уонна өлүү туһунан.
«Никита Аржаков олох сыаннаһын туһунан кэпсиир. Маннык киинэ олус наадалаах, улахан суолталаах. Сахабыт сиригэр маннык үрдүк таһымнаах киинэ уһуллар буолбута олус үөрдэр», — диэ\н кини түмүктээтэ.