Сэтинньи 30 — ахсынньы 1 күннэригэр ыытыллар «Кыһын Саха сириттэн саҕаланар» бэстибээл иитинэн өрөспүүбүлүкэҕэ бастакытын «Iceman Fest» онлайн быһыылаах ленд-арт бэстибээл ыытыллыаҕа. Бу туһунан «LETO» куорат эйгэтин тупсарыы киинин пресс-сулууспата иһитиннэрэр.
Тэрээһин сүрүн соругунан урутаан сайдыы территорията статустаах Дьокуускай куорат уокуруга — Кангаласс микрооройуонун сайыннарыыга болҕомтону тардыы буола.
«Кангаласс микрооройуонугар архитектура, искусство уонна дизайн уобаластарын экспертэрэ кыттыылаах онлайн-көрсүһүүлэр ыытыллыахтара. Тэрийээччилэр Саха сирин олохтоохторун кэрэ-бэлиэ шоу уонна быһа эфиргэ арт-эбийиэктэри оҥоруу көрөөччүлэринэн буоларга ыҥыраллар», — диэн этиллэр.
Муустан, хаартан уонна мастан арт-эбийиэктэри оҥоруу урукку таас чох карьерыгарыгар ыытыллыаҕа. Быһа эфири «LETO» компетенция киинин инстаграм аккаунугар @letoyakutia уонна Youtube ханаалыгар көрүөххэ сөп.