Саха өрөспүүбүлүкэтин култууратын туйгуна, үүнэр көлүөнэ тыйаатырын дириэктэрэ Матрена Павловаҕа дойду бэрэсидьиэнэ Владимир Путин ыйааҕынан «Россия култууратын үтүөлээх үлэһитэ» ааты иҥэрдилэр. Бу туһунан СӨ култуураҕа министиэристибэтин пресс-сулууспата иһитиннэрэр.
«Ытыктабыллаах Матрена Степановна! СӨ култуураҕа уонна духуобунай сайдыыга министиэристибэтин уонна тус бэйэм ааппыттан «Россия култууратын үтүөлээх үлэһитэ» бочуот ааты ылбыккынан эҕэрдэлиибин», — диэн СӨ култуураҕа миниистирэ Юрий Куприянов эҕэрдэлээтэ.