Биэриигэ Ийэ биһиги олохпутугар суолтатын туһунан кэпсэттибит. Ийэ боппуруоһугар бэйэлэрин олохторун анаабыт уонна бу боппуруоһу олус үчүгэйдик билэр ыалдьыттары ыҥырдыбыт.
Марина Дмитриевна Кокарева — СӨ култууратын туйгуна, Нам улууһун бочуоттаах олохтооҕо, 1990-2003 сыллардаахха Дьахталлар Сэбиэттэрин бэрэссэдээтэлэ.
Бүлүү улууһун уонна куоратын бочуоттаах олохтооҕо Клара Егоровна Саввинова СӨ С.Сидорова аатынан бочуоттаах бэлиэ уонна СӨ Гражданскай килбиэн бэлиэтинэн наҕараадаламмыта.
Анна Владимировна Пермякова — 1997-1999 сылларга Мэҥэ Хаҥалас Дьабыл орто оскуолатын дириэктэрэ, 1999-2021 сылларга СӨ бэрэсидьиэнин дьиэ кэргэҥҥэ, оҕолорго кэмитиэтин исписэлииһэ.
Амма Эмиһиттэн бочуоттаах олохтоох Татьяна Никифоровна Новикова — уон биир оҕо ийэтэ, уопсастыаннай хамсааһын актыбыыһа.
Светлана Митрофановна Тарабукина — тулаайах оҕолору иитэр герой-ийэ. «Сыл дьиэ кэргэнэ» өрөспүүбүлүкэтээҕи куонукурус кыайыылааҕа. «Материнская слава» бэлиэ хаһаайына.
Татьяна Петровна Бушкова — Чурапчы улууһун дьиэ кэргэн уонна оҕо саас салаатын сүрүннүүр исписэлииһэ. СӨ култууратын туйгуна.