Саха режиссера Дмитрий Давыдов «Чуучала» («Пугало») хартыыната балаҕан ыйын 11-18 күннэригэр Сочига ыытыллар «Кинотавр» киинэ бэстибээлин сүрүн куонкурсугар киирдэ.
Киинэҕэ дьону эмтиир ураты күүстээх дьахтар туһунан кэпсэнэр. Бары киниттэн куттаналлар уонна туора тутталлар, ол да буоллар түүн кистээн кини дьиэтигэр сылдьаллар. Ыарыыларын кини эрэ эмтир кыахтаах. Киниэхэ бэйэтигэр бу күүһэ кырыыс буолар, хас сырыы аайы дьоҥҥо аны көмөлөһүөм суоҕа диэн андаҕайар да, хас сырыы аайы аккаастыыр кыаҕа суох. Кини ураты айдарыыта бэйэтин хаһан эмит өлөрөрүн билэн туран, дьон быыһаналларыгар соҕотох кыах буоларын тохтоппот.
Тэрийээччилэр тириэрдэллэринэн, 31-с Россия аһаҕас киинэ бэстибээлэ бары ирдэнэр санитарнай миэрэлэри тутуһан ыыттыллыаҕа.
Быйыл сүрүн куонкуруска 78 сайаапкаттан, 13 хартыына талыллан кирдэ. Полнометражнай киинэлэр жюриларын бэрэссэдээтэлинэн режиссер Борис Хлебников буолла.