Олунньу 22-23 күннэригэр «Дархан Уус» өрөспүүбүлүкэ уустарын быыстапката «Кружало» атыы-эргиэн киинигэр ыытыллар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
Быйыл бырааһынньык Борис Неустроев—Мандар Уус 75 сааһын туолар үбүлүөйүгэр ананар.
Бырабыыталыстыба бэрэссэдээтэлэ Владимир Солодов быыстапкаҕа сырытта уонна кыттааччылары эҕэрдэлээтэ.
«Уус кыһата Саха култууратын уонна үгэһин биир төрүтүнэн буолар. Онон быыстапкаҕа эдэр кыттааччылары көрөр олус үөрүүлээх. Бары күрэхтэһээччилэргэ салгыы сайда туралларыгар уонна үйэттэн-үйэҕэ харыстаан аҕалбыт сыаннаспытын, кэлэр көлүөнэҕэ тириэрдэллэригэр баҕарабын», — диэн Владимир Солодов бэлиэтээтэ.
Маны тэҥэ быыстапка чэрчитинэн «Бастыҥ уус-уран быһаҕа», «Басыҥ булт быһаҕа», «Бастыҥ ас-астыыр быһаҕа» номинацияларынан дьүүллэниэхтэрэ.
Күрэхтэһии түмүгүнэн кыайыылаахха Борис Неустроев анал бэлэҕэ туттарыллыаҕа.