Биэриигэ Сэбиэскэй Сойуус дьоруойа Федор Кузьмич Попов аймахтара, өрөспүүбүлүкэ биллэр-көстөр дьоно кыттыыны ыллылар: СӨ уонна Россия норуодунай артыыһа «Хотугу сулус» уордьан кавалера Иван Прокопьевич Степанов, Василий Семенович Эверстов — Төҥүлү орто оскуолатын учуутала, көҥүл тустууга ССРС спордун маастара, СӨ физическэй култуураҕа, спортка туйгуна, Николай Петрович Попов — Хотугулуу Илиҥҥи федеральнай үнүбэрсиэт математика уонна информатика институтун үлэһитэ, Федор Кузьмич Попов сиэн быраата. Итиэннэ, Мэҥэ Хаҥалас улууһун Майа сэлиэнньэтин баһылыга Дмитрий Иванович Тихонов, Дьокуускай куорат кылаабынай архитектора Семен Афанасьевич Сергеев уонна быраас, СӨ доруобуйа харыстабылын туйгуна Николай Николаевич Дьячковскай.
