Ахсынньы ахсыс күнүгэр аан дойду үрдүнэн худуоһунньук күнэ бэлиэтэнэр. Онуоха Сахабыт сиригэр талааннаах, уруһуйдуур дьон үгүстэр. Устуудьуйабытыгар талааннаах худуоһунньук, маастар кыргыттар кэлэн ыалдьыттаатылар.
Соторутааҕыта «Кыһын Саха сириттэн саҕаланар» бэстибээл чэрчитинэн, «Бриллианты Якутии» диэн муус оҥоһук күрэх ыытыллан түмүктэннэ.
Биэриигэ куонкурус кыттааччылара кытыннылар: Ким Леонид аатынан Дьокуускайдааҕы эбии үөрэхтээһин, оҕо ойуулуур-дьүһүннүүр оскуолатын учуутала, худуоһунньук Анна Саввина, «Сахафильм» худуоһунньуга, Саха сиригэр соҕотох киинэ худуоһунньуга Россия творческай худуоһунньуктарын чилиэнэ, Өксөкүлээх Өлөксөй аатынан судаарыстыбаннай бириэмийэ лауреата Саргылана Скрябина, Дьокуускай куораттааҕы П.П. Романов аатынан художественнай училище преподавателэ, ювелир-технолог, СӨ үөрэҕириитин туйгуна Людмила Федорова уонна училище методист преподавателэ, СӨ үөрэҕириитин туйгуна Александра Неустроева.