Дьокуускайга америка биллиилээх хаартыска5а туьэрээччитэ, айанньыт Джон Уолтер кэллэ. Кини киин куоракка биир нэдиэлэ устата улэлиэҕэ, олоҕу-дьаһаҕы билсиэҕэ. Биллиилээх фотограф номнуо Өлүөнэ очуостарыгар, Кириһиэнньэ сөтүөтүгэр, Бааһынай ырыынагар сылдьыбыт, маны сэргэ саха маанылаах аһын амсайбыт. Джон Уолтер Саха сирин айылҕата бэрт дьикти көстүүлээҕин кэрэхсии-сэргии көрбүт, ол гынан баран бу тыйыс усулуобуйаҕа олорор дьону-сэргэни ордук сөхпүт. Айанньыт Саха сирин тымныытын эт хаанынан билэ-көрө кэлбит.
Сир шарын саамай тымныы сиригэр кэлэр олус интэриэһинэй. Манна олорор дьон олоҕун-дьаһаҕын, тугу аһаан-сиэн, таҥнан-симэнэн олороллорун илэ харахпынан көрүөхпүн, эт хааммынан билиэхпин баҕарабын. Маны сэргэ элбэх интэриэһинэй дьону кытта билсэн-көрсөн, кинилэри хаартыскаҕа түһэриэм. Урут билбэтэхпин, элбэх саҥаны-сонуну биллим-көрдүм уонна элбэх уопуту ыллым.