Өрөспүүбүлүкэ бырабыыталыстыбатын бэрэссэдээтэлэ Владимир Солодов Музыка үрдүкү оскуолата 2019 сыл түмүктүүр үлэтигэр кыттыыны ылла. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
Владимир Солодов канадскай технолгиянан тутуллубут библиотеканы, медицинскэй пууну, көмпүүтэр кылааһын, мемориальнай мусуойу, үөрэх уонна олорор корпустары көрдө.
«Саҥа дьыл саҕана оҕолору эҕэрдэлиир саамай сүрүн буолар, ол иһин бүгүн өрөспүүбүлүкэ бэлиэ тэрилтэтигэр, Музыка үрдүкү оскуолатыгар кэлэн турабын. Кэлэр сылга оскуола инники сайдыытыгар тоҕоостоох тэрийэр хаһаайыстыба боппуруостарын быһаарыахпыт диэн эрэнэбин. Оскуола бэйэтин үөрэнээччилэрин уонна выпускниктарын ситиһиилэринэн аатыра турдун», — диэн эттэ Владимир Солодов.
Премьер миниистир оскуола оҕолорун, учууталларын саҥа дьылынан эҕэрдэлээтэ уонна маҥнайгы кылаас оҕолоругар минньигэс бэлэх туттарда.
Музыка үрдүкү оскуолатыгар 46 музыкальнай искусства учуутала үлэлиир. 280 оскуола оҕолоро уонна студеннар үөрэнэллэр, кинилэртэн 172-тэ оскуола олохтоох корпустарыттан сылдьан үөрэнэллэр.
Оскуолаҕа музыкаҕа уһулуччулаах оҕолору үөрэҕирии үс таһымынан үрдүк хаачыстыбалаахтык үөрэтэр сыаллаах, 1993 сыллаахха Михаил Николаев ыйааҕынан олохтоммута. Манна өрөспүүбүлүкэ эрэ оҕолоро буолбакка, Уһук Илин куораттарыттан уонна тас дойдулартан кэлэн үөрэнэллэр.
Ол курдук, музыканы билии уонна музыкальнай прикладной искусствоны үөрэтии, концертнай толоруу искусствота уонна музыкальнай театральнай искусства хайысхалара бааллар.
Музыка үрдүкү оскуолата 25 сылын үлэлиир, ол тухары үөрэнээччилэр уонна студеннар 800-тэн тахса араас Аан дойдутааҕы, бүтүн Россиятааҕы күрэхтэргэ кыттан лауреат, дипломант аатын ылаллар.