Сунтаар улууһун Күндээйэ бөһүөлэгин олохтооҕо Андрей Кузьмин 2013 сыллаахха Берингов проливын мууһунан харбаан туораабыт. Алта суукка иһигэр 86 килэмиэтирдээх сири тайаан Гиннес рекордун олохтообута. Эстафетаҕа 17 араас дойдуттан барыта 66 харбааччы кыттыыны ылбыта.
Бу күннэргэ Сунтаарга спортсменнары чиэстиир тэрээһиҥҥэ Андрей Кузьминҥа ситиһиитин туоһулуур докумуонун үөрүүлээх быһыыга-майгыга туттардылар.
Пандемиянан уонна дойдуга буола турар быһыынан сибээстээн докумуон хойутаан кэлбитин бэлиэтээн этэллэр.
Андрей Кузьмин оскуолаҕа физкультура учууталынан үлэлиир, оҕолору спортка уһуйар. Үрүҥ уолан диэн анал бырайыагынан уолаттары эр киһи тургутуутун ааһалларыгар өйөбүл буолар.