«Саха сирэ» информационнай биэрии кулун тутар 18 күнүнээҕи киэһээҥҥи таһаарыытыгар көрүҥ:
- Дойдуга наука сайдыытыгар университет суолтатын бүгүн «Россия геостратегическай сайдыыта уонна үрдүк үөрэх кыһата» диэн дьокуускайга буолбут бөдөҥ форумҥа дьүүллэстилэр;
- «Союз2Б» ракетаны Восточнай космодромтан кулун тутар 25 күнүгэр көтүтүөхтэрэ;
- Дьокуускай-Нам-Булуус айан суолун өрөмүөнэ саҕаланна. Суолу кэтирэтиэхтэрэ уоннга асфальт бүрүөһүнүн уларытыахтара;
- Төрүт сүөһүнү иитэр дьон бүгүн ааспыт сыллааҕы үлэ түмүгүн ырытан быйылгы былааны чопчулаатылар. Екатерина Аммосова саха сүөһүтүн дэлэтэр төһүү үлэһиттэри кытта көрүстэ;
- Сотору кэминэн өрөспүүбүлүкэ бары киинэ тыйаатырдарыгар «Миигин кытта үҥкүүлээ» диэн саҥа сахалыы киинэ көстүөҕэ. Киинэни эдэр режиссер Никандр Федоров уһулла.
Поделиться: