Хаҥаласка туризмы сайыннарарга грант куонкуруһун кыайыылаахтара түөрт мөл.солк. ылбыттар.
«Күрэскэ 10 сайаапка киирдэ. Сыллата хандьыдааттар ахсааннара элбээн иһэрэ үөрдэр — бу улуус урбаанньыттара Саха сиригэр туризмы сайыннарар туһугар кыһаллаллар. Граны инники сылларга туризм таһымын үрдэтэр, табыгастаах, кэрэхсэбиллээх уонна араас гына оҥорор урбаанньыттар ылыахтара», — диэн улуус баһылыга Олег Иринеев эттэ.
Ол курдук, грант үбүнэн урбаанньыттар «Күрүлүүр» туристическай комплексыгар модульнай дьиэлэри, аҕыс сафари-тент уонна «Төхтүр» спортивнай-аралдьытар комплекска инвентарь ыларга былаанныыллар, ону тэҥэ, глэмпины сайыннарар баҕа санаалаахтар.
Санатан эттэххэ, күрэс сыллата 2020-2024 сс. муниципальнай туһууламмыт өйөбүл бырагырааматын уонна урбааны сайыннарыы чэрчитинэн ыытыллар.