2024 сылга Дьокуускайга ыытыллар VIII норуот икки ардыларынааҕы «Азия оҕолоро» спортивнай оонньуулар талисманын талыыга куостааһын салҕанар.
«ВКонтакте» платформаҕа «Азия оҕолоро» оонньуулар норуот икки ардыларынааҕы кэмитиэтин официальнай сирэйигэр алта үлэҕэ куоластааһын бара турар: бизон, Өлүөнэ уонна Алдан, мамонт оҕото, моҕотой уонна киис. Баҕалаах киһи 2023 сыл бэс ыйын 1 күнүгэр диэри сөбүлээбит хандьыдаатыгар куолаһын хаалларыан сөп. Элбэх куолаһы ылбыт бырайыак оонньуулар Талисмана буолуоҕа.
VIII норуот икки ардыларынааҕы «Азия оҕолоро» спортивнай оонньуулар 2024 сыл бэс ыйын 25 күнүттэн от ыйын 7 күнүгэр диэри Дьокуускайга буолуоҕа.