Уус Алдан улууһун Хоро нэһилиэгин олохтооҕо, олоҥхону толорооччу Афанасий Бурцев — Бөскөй Бөҕө оҕуһунан айаҥҥа турунна. Кини улууспут бөһүөлэктэрин оҕуһунан кэрийэ сылдан норуот тылынан уус-уран айымньытын, култуурунай нэһилиэстибэтин билиһиннэриэ, баай уопутун кэнчээри ыччакка тиэрдиэ.
Бу бырайыак Дмитрий Говоров -Олоҥхоһут Миитэрэй төрөөбүтэ 175 сылыгар ананар, олоҥхону киэҥ араҥаҕа тарҕатар, өбүгэ үгэһин кэнчээри ыччакка билиһиннэрэр сыаллаах.
Афанасий Петрович айанын бэс ыйын 20 күнүгэр улуустааҕы олоҥхо ыһыаҕа ыытыллар сиригэр Бэйдиҥэҕэ түмүктүөҕэ.