Ыам ыйын 31 күнүгэр өрөспүүбүлүкэҕэ «Формирование комфортной городской среды» федеральнай бырагыраама чэрчитинэн саҥа эбийиэктэри тутууга онлайн-куоластааһын түмүктэнэр.
Бу сылга Саха сирэ 50 уопсастыбаннай территорияны билиһиннэрдэ — болуоссаттар, биэрэк кытыллара, сынньалаҥ сирдэр, сквердэр, пааркалар уонна аллеялар.
Хас биирдии олохтоох ыам ыйын 31 күнүгэр диэри Дьокуускай, Алдан, Томмот, Бүлүү, Ленскэй, Миирнэй, Удаачнай, Нерюнгри, Аллараа Кураанах, Саҥгаар, Айхал, Аллараа Бэстээх, Чульман, Мохсоҕоллоох, Жатай, Амма, Чапчылҕан, Улахан Аан, Павловскай, Нам уонна Дьаппара бырайыактарыгар куоластыан сөп. Бүгүҥҥү туругунан 68 149 киһи куоластаабыт.
«Судаарыстыбаннай өҥөлөр. Бииргэ быһаарабыт» платформаны туһанан 14.gorodsreda.ru сирэйигэр, ону тэҥэ муниципалитеттар уопсастыбаннай сирдэригэр волонтердар көмөлөрүнэн куоластыахха сөп. Куолаһы 14-тэн үөһээ саастаах олохтоох хаалларыан сөп.
Бүгүҥҥү туругунан, Дьокуускайга Юрий Гагарин аатынан сквергэ (7778 куолас), Ф.К.Попов аатынан сквергэ (6241 куолас), Сэргэлээх биэрэгин кытылыгар (4965 куолас), Алдаҥҥа В.И.Ленин аатынан болуоссакка (4347 куолас) уонна Дьокуускайга Н.Щорс аатынан күөл кытылыгар (3907 куолас) киирбит.