Ходуһаҕа атаҕын тумсун укпатах, илиитигэр хотууру, кыраабылы туппатах, охсуллубут от сытын билбэтэх саха ахсааннаах буолуохтаах. Оттооһун – саха төрүт үгэһэ, дьылын быһаарар үлүскэннээх кэмэ. Быйыл отпут эрдэ ситэн, күнү-дьылы баттаһа Бөтүрүөп күнүн, «Абааһы мунньаҕын» иннинэ хаһаайыстыбалар номнуо оттоон саҕалаабыттара. Халлаан эрэ туран биэрдэр от үлэтэ күргүөмнээхтик барыа. Бу туһунан биһиги сиһилии «Олох үөһүгэр» биэриигэ ырыттыбыт.
