Саха сирин Ил Дархана Айсен Николаев ыйааҕынан Россия Хотугулуу-Илиҥҥи норуоттарын култуураларын, аныгы искусствоны сайыннарыыга уонна харыстааһыҥҥа сүҥкэн кылааты киллэрбитин иһин, үрдүк үөрэх эйгэтигэр өр сыллаах көдьүүстээх үлэтин иһин Августина Филиппова Саха Өрөспүүбүлүкэтин «Хотугу сулус» уордьанынан наҕараадаланна.
Модельер-худуоһунньук, М.К.Аммосов аатынан ХИФУ прогрессивнай технология дизайнын уонна декоративнай-прикладной искусствоны үөрэтэр-айар лаборатория сэбиэдиссэйэ, Россия худуоһунньуктарын Сойууһун чилиэнэ, СӨ Култууратын үтүөлээх үлэһитэ, Горнай улууһун уонна Амма улууһун Амма нэһилиэгин бочуоттаах олохтооҕо Августина Филипова атырдьах ыйын 1 күнүгэр 75 сааһын туолла.