Тэрийэр кэмитиэт сайаапканы сэтинньи 10 күнүгэр диэри хомуйуо. Куонкуруска сааһынан хааччаҕа суох саҕалааччы кинематографистар, уус-уран бөлөхтөр уонна идэтийбит үлэһиттэр кыттыахтарын сөп.
Киинэ бэстибээлин тэрийэр кэмитиэтэ киэҥ араҥаҕа элбэхтик көстүбэтэх үлэлэри «Тэттик киинэлэр», «Документальнай киинэ», «Анимация» уонна «Социальнай видеороликтар» бөлөхтөрүнэн тутуо.
Киинэ кээмэйэ 30 мүнүүтэҕэ диэри хааччахтаах, сахалыы киинэ нууччалыы субтитрдаах буолара ирдэнэр. Үлэлэри respublika.kino@yandex.ru электроннай почтаҕа ыытыахха сөп.