Үөһээ Бүлүүгэ Россия көрдөрүүлээх оҕо кэллэктиибэ — Светлана, Егор Неустроевтар «Тулуйхан» студия Ороһутааҕы салаатын оҕолорун толоруутугар Бүөтүр Тобуруокап айымньытынан «Моруос оҕонньор» диэн оҕо оператын туруордулар.
Өрөспүүбүлүкэҕэ бастакы оҕо оператыгар 32 Ороһу нэһилиэгин талааннаах оҕото кыттыыны ылла. Кэлбит дьон мааны куолаһы, кэрэ көстүүнү көрөн-истэн олуһун астынан, биһирээн тарҕастылар.