Москваҕа ВДНХ-ҕа «Россия» быыстапка-форум үлэтэ салҕанар. Саҥа дьыл уһун өрөбүллэригэр быыстапкаҕа күннэтэ 16 тыһ киһи сырытта. Кинилэргэ анаан араас маастар-кылаастар, викториналар уонна экскурсиялар ыытыллаллар. Ону таһынан регионнар экспозицияларыгар куоластааһын салҕанар. Куоластааһын 11 номинациянан көрүллэр.
«Бастыҥтан бастыҥ» номинацияҕа өрөспүүбүлүкэ алтыс миэстэҕэ (2 177 баал) сылдьар, бэһис миэстэҕэ — Чувашия (2 358 баал), төрдүс — Башкортостан (3 052 баал), үһүс — Волгоград уобалаһа (4 002 баал), иккис — Санкт-Петербург (5 826 баал), бастакы — Тюмень уобалаһа (7 182 баал).
Саха сирэ «Самая познавательная» (2 123 баал), «Лучшая для детей» (2 069 баал), «Прогресс и инновации» (2 046 баал), «Лучший виртуальный тур» (2 030 баал), «Лучший социальный проект» (2 029 баал) номинацияларга үһүс миэстэҕэ турар.
Ону таһынан өрөспүүбүлүкэ «Лучший туристический потенциал» (2 066 баал), «Лучший интерактив» (2 032 баал), «С заботой о природе» (2 130 баал) номинацияларга төрдүс миэстэҕэ сылдьар. Онтон бэһис миэстэҕэ көрдөрүүлээх номинациялара: «Сохранение традиций» (2 233 баал), «Самая оригинальная» (2 146 баал).
Бүгүҥҥү күн көрдөрүүтүнэн Саха сирэ хас биирдии номинацияҕа икки тыһ тахса куолас ылла. Күн ахсын куоластааһын көрдөрүүтэ уларыйан иһэр, ол түмүгэр регионнар миэстэлэрэ хамсыыр. Саха сирэ аҕыс инники күөҥҥэ сылдьар регионнар кэккэлэригэр киирсэ сылдьар.
«Россия» норуоттар икки ардыларынааҕы быыстапка-форум дойду бэрэсидьиэнэ Владимир Путин соруйуутунан ыытыллар.