Мэҥэ Хаҥаласка СӨ Баһылыгын гранын ылбыт «Хомусный код» бырайыак үлэтин саҕалаата.
Р.Г. Васильев аатынан улуустааҕы кыраайы үөрэтэр түмэлгэ «Хомус» Аан дойдутааҕы түмэлин дириэктэрэ Дмитрий Бястинов улуус үөрэҕириигэ салалтатын кытары бииргэ үлэлэһиигэ сөбүлэҥ түһэристилэр. Тэрээһиҥҥэ Майа, Хара орто оскуолаларын үөрэнээччилэрэ кыттыыны ыллылар.
Ороссолуодаттан хомус ууһа Роман Иванов анал байыаннай дьайыыга сылдьар буойуттар оҕолоругар анаан Саха сирин уустара оҥорбут 20 хомуһун бэлэхтээтэ.
Икки күн устата култуурунай-үөрэтэр бырайыак уһуйааччылара 200-чэкэ оҕону хомуска дьарыктыахтара.
Түмэлгэ Саха сирин уустарын хомустарын быыстапката туруоруллан дьон болҕомтотун тарта.