«Саха» Национальнай көрдөрөр-иһитиннэрэр хампаанньа кулун тутар 4 күнүттэн саҥа 16 сериялаах «Омоон суоллар» диэн сахалыы сериалы күөх экран нөҥүө өрөспүүбүлүкэ бары олохтоохторугар көрдөрүөҕэ.
«Омоон суоллар» киинэни ааспыт сылга Мэҥэ Хаҥалас улууһун Хара нэһилиэгэр устубуттара. Бу киинэ сүрүн уратыта диэн, манна артыыс эйгэтигэр олох сыһыана суох олохтоох дьон уһулуннулар, онтон идэтийбит артыыстартан биир эрэ киһи уһулунна. Өрөспүүбүлүкэ туох баар улахан тэрээһиннэрин туруорар режиссер Радомир Томскай, киинэ эйгэтигэр бу бастакы холонуута буолар.
Ханнык баҕарар киинэ, испэктээкил хаһан баҕарар аан бастаан сценарийы суруйууттан саҕаланар. Ону суруйуу манан эрэ дьыала буолабатах. Сценарийы суруйарга олус элбэх бириэмэ барар, улахан толкуйтан тахсар. Онтон бу киинэ сценариһа Октябрина Шестакова номнуо 4-с киинэ сценарийын суруйда. Кини бу киинэҕэ участковай үлэтин суруйарыгар сорох түгэннэрин дьиҥ олохтон, уонна үгүс өттүн толору өйтөн таҥан таһаарда.
Киинэ сурун учаскуобай оруолун уунэр келуенэ тыйаатырын идэтийбит артыыьа Ньургун Черов оонньоото. Кини кастиҥҥа кэлэн кыттан, сөбүлэҥин биэрэн кэлэктииби кытта олус тапсан оруола төһө да ыарахан буоллар, бэйэбин толору арыйдым диэн санаатын үллэстэр.