Саха сирэ өр кэм устата кэтэспит саҥа онкология киинэ медицина федеральнай таһымнаах тэрилтэтэ. Киин тутуута 2019 сылтан РФ бэрэсидьиэнэ Владимир Путин тус көҕүлээһининэн олохтоммут «Доруобуйа харыстабыла» национальнай бырайыак соруктарынан саҕаламмыта. Онкология киинэ үлэҕэ киирдэ. Ол аата мантан инньэ бу кыһалҕаҕа Саха сирин олохтоохторо өрөспүүбүлүкэ таһыгар барбакка искэни эрдэ булууга, эрэллээх диагностикаҕа уонна үрдүк технологиялаах медицина көмөтүн ылар кыахтара өссө элбиир, кэҥиир.
