Ил Дархан Айсен Николаев Ил Түмэҥҥэ Анал этиитигэр Сахабыт сирэ салгыы сайдар сүрүн тосхоллорун ыйда, ааһан эрэр сылга ыытыллыбыт үлэлэр түмүктэрин кэпсээтэ уонна үүнэр сылы Оҕо саас сылынан биллэрдэ.
Чахчы доруобуйа төрдө, оҥкула киһи оҕо сааһыгар олохсуйар. Ол иһин оҕо доруобуйатын чааһыгар биир кэлим дириҥ ситимнээх үлэ тэриллэрэ хас биирдиибитигэр олус улахан суолталаах буолуоҕа.
Бу биэриигэ доруобуйа харыстабылын 2023 сыл түмүктэрин, ситиһиилэрин тула кэпсэттибит.