Кулун тутар 30-31 күннэригэр I-кы Тыыллыма нэһилиэгэр М.К. Аммосов аатынан ХИФУ профессора, тыл билимин хандьыдаата Галина Попова-Санаайа бырайыагынан, 75 сааһын туолбут үбүлүөйдээх сылынан ыччат олоҥхону толорооччуларга өрөспүүбүлүкэтээҕи «Куйуур олоҥхото-2024» күрэх номнуо онус сылын ыытылынна.
«Куйуур олоҥхотун» үөрүүлээх арыллыытыгар алгыс сиэрин-туомун ыччат олоҥхону толорооччу, сүрүн тэрийээччи Виталий Никифоров түһэрдэ.
Марианна Аргунова үөрэтэр, олоҥхоҕо уһуйар «Сарыал» оҕолор бөлөхтөрө Н.И.Степанов-Ноорой «Күн Эрили» олоҥхотун толордулар.
Кэлбит ыалдьыттары, кыттааччылары I-кы Тыыллыма нэһилиэгин баһылыга Руслан Афанасьев, СӨ Олоҥхо Ассоциациятын ,бэрэсидьиэнэ Февронья Шишигина, Г.Г. Колесов аатынан Олоҥхо Дьиэтин салайааччыта Евдокия Иванова эҕэрдэлээтилэр.