Тэрээһиҥҥэ 19 нэһилиэктэн 130-тан тахса иистэнньэҥ, уус, туоһунан, кылынан дьарыктанар айар талааннаах кыттыыны ылла. Бу туһунан иһитиннэриини улуус пресс-сулууспатын телеграм-ханаалыгар сырдатта.
Ону тэҥэ быыстапка-дьаарбаҥка иитинэн үс куонкурус буолла: «Быһар быһах», «Кылаан кыптыый», «Өбүгэ таҥаһа». Маны таһынан дьон-сэргэ араас маастар-кылааска кытынна.
«Быыстапка-дьаарбаҥка ыалдьыттара маастар-кылааска илиилэрин сылааһынан айан таһаарбыт оҥоһуктарын СВО байыастарыгар анаан туттардылар, «Харысхал» аахсыйа кыттыылааҕа буоллулар», — диэтэ Г.Г. Колесов аатынан «Олоҥхо дьиэтэ» оройуоннааҕы норуот айымньытын киинин дириэктэрэ Евдокия Иванова.
