Саха сирин иэнэ улаханынан аан дойдуга ахсыс миэстэҕэ турар. Маннык тайаан сытар киэҥ сир хара тыатыгар, суккуллар уутугар төһөлөөх кыыл, көтөр төрөөн-ууһаан, охсуллан ааhара буолуой? Кэлин айылҕа уларыйар долгунугар оҕустаран биһиэхэ урут хаhан да көстүбэтэх көтөр-сүүрэр элбээн олохтоохтору соhутар. Ону тэҥэ сүтэн эрэр көрүн тулалыыр эйгэҕэ дьайыыны оҥорор дуо?
«Сэһэн сирэ» биэриигэ бу туһунан сэһэргэһиигэ РНА Саха сиринээҕи ирбэт тоҥноох сир биологическэй кыһалҕаларын чинчийэр институт дириэктэрэ Иннокентий Охлопков уонна сүрүн научнай сотруднига Аркадий Исаев кыттыыны ыллылар.